پاکستان سپر لیگ، اسلام آباد یونائیٹڈ وکوئٹہ گلیڈی ایٹر نا ٹیم (اینو) چارشنبے آ مون پہ مون مریرہ

دبئی۔ 14 فروری (اے پی پی) پاکستان سپر لیگ (پی ایس ایل) اٹی (اینو) چارشنبے آ اسٹ انگا میچ اٹی اسلام آباد یونائیٹڈ و کوئٹہ گلیڈی ایٹر نا ٹیم دبئی انٹرنیشنل کرکٹ سٹیڈیم اٹی پنجہ آزمامریرہ۔ میچ نائٹ مریک و پاکستانی وخت انا رداٹ شام انا نہہ بجہ غا بناءکیک۔ سرجم احوال آتارداٹ پی ایس ایل نا ارٹ میکو ایڈیشن نا سخت مقابلہ دبئی ٹی برجاہ ئِ۔ (اینو) چارشنبے آ لیگ انا ہفت می میچ گوازی کننگک ہراٹی اسلام آباد یونائیٹڈ و کوئٹہ گلیڈی ایٹر نا ٹیم مون پہ مون مریرہ۔ اسلام آباد نا ٹیم مصباح الحق نا سروکی ٹی میدان اٹی دڑنگک وخت اس کہ کوئٹہ گلیڈی ایٹر نا سروک نا فرض ئِ سرفراز احدم انجام ایتک۔