وزیراعظم محمدنواز شریف نا امن وایمنی نا حالیت آتا جاچ ئِ ہلنگ کن سیہون شریف اٹی دیوان نا وخت آ پارت

سیہون۔ 17 فروری (اے پی پی) وزیراعظم محمد نواز شریف دہشت گرد آتا قلع قمع کننگ کن تینا حکومت نا عزم انا اعادہ ئِ کرسا فوج ئِ اختیار تسنے کہ دشمن ہراڑے کہ مرے اودے چٹفنگے۔ وزیراعظم ہاﺅس نا بیان نا رداٹ وزیراعظم صوفی بزرگ لعل شہباز قلندر نا درگاہ آ بمب دھماکہ آن پد امن و ایمنی نا حالیت آتا جاچ ئِ ہلنگ کن جمعہ آ داڑے اسہ دیوان اسے نا کماشی ئِ کرے۔ چیف سیکرٹری سندھ اودے است ہسون آ واقعہ نا بارواٹی معلومدار کرے ہراٹی 83بندغ شہید ، 343ٹھپی مسنو ہرافتے ٹی 76نا حالیت نازرک ئِ۔ وزیراعظم پارے کہ پاکستان تینا اڈ ہلنگ آن ہی تینا شناخت نا جنگ ئِ کننگ ئِ ، امن و شونہالی نا نصب العین اٹی ہر ریاست ناتاریخ اٹی داعنصر آتا مخالفت تون مون تروکی مس ہرا بربریت نا دور ئِ دُوارہ پدی اتنگ نا درپے ئسر۔ وزیراعظم پارے کہ گدرینگوک آ کیہی سال آن نن ملک و پیشن ناملک آن دشمن آتون جنگ کننگ اُن۔ ننے تینا مون انگا دے تا مون تروکی مس ولے نن ہمیشہ پرعزم مرسا مون آ بسن ہراڑآن دنیا زہمی مس۔ اوپارے کہ انتہاپسندآتا برخلاف متحد مننگ و جنگ کننگ نا وکت ئِ او خواہ ملک اٹی مریر یا پیشن آ بریر، ای تینا سلہہ بند فوج و کانود نافذ کروک آ ادارہ غاتے پارت کیوہ کہ شمن چائے ہراڑے مرے اونا پورو ریاستی واک اتون خاتمہ ئِ کننگے۔ اودادے آخبت نا نسل و ظلم انا مون تروک ایلو خلقت کن اسہ زمواری اس گوندا وپارے کہ ننے ہروڑسوگو مروئی مریک و خوف ئِ مسترد کروئی مریک، ہراڑے کہ اودے خنن دالعنت نا مذمت ئِ کروئی مریک۔ اوپارے کہ کنا انتظامیہ دا عنصر آتا شکست ئِ المی جوڑ کیک ہرا ننا انسانیت ، شاری تا حق و آجوئی کن سوج جوڑ مسنو۔ اوپارے کہ دا جنگ انا ننا مثبت اقدار تون اوار الس نا فتح تون چٹک۔ دیوان اٹی بری فوج انا سروک جنرل قمر جاوید باجوہ، وزیر خزانہ سینیٹر اسحاق ڈار، وزیر داخلہ چوہدری نثارعلی خان ، گورنر سندھ زبیر احمد و وزیراعلیٰ مراد شاہ ئسک ساڑی ئسر۔