معیشت شونداری نا کسر آ روان ئِ، توانائی نا ڈٹ آتے ترندی اٹ پورو کننگ انگ ئِ، ڈاکٹر عبداللہ گل

اسلام آباد۔ 17 فروری (اے پی پی) دفاعی جاچکار ڈاکٹر عبداللہ گل پارینے کہ پاکستان نا معیشت شونداری ناکسر آ روان ئِ و توانائی نا ڈٹ آتے ترندی اٹ پورو کننگ انگ ئِ۔ ریڈیو پاکستان تون ہیت وگپ کرسا اوپارے کہ پاکستان دنیا نا نقشہ غا اسہ اہم ئُ ملک اسے، دا دنیا ئِ داخاطران اڑینگک انتئے کہ دا اسلام نا پن آ جوڑ کننگا و مسلم دنیا نا اولیکو جوہری واک ئِ وخت اس کہ ارٹ میکو سوب مسلم لیگ (ن) نا حکومت نا گچین پالیسی تا سوب ملک اقتصادی بشخ اٹی شونداری، چین پاک اقتصادی راہداری ڈٹ آتاجاری و توانائی تنکی نا مون ئِ توننگ کن ڈٹ آتا ترندی اٹ پورو ی ئِ۔ اوپارے کہ داغٹ گڑاک بھارت ئِ ہضم مفننگ ئُ ہرانا سوب او انتہاپسندی ئِ تہو تننگ ئِ و تینا مسخت آتا دوئی کننگ کن اوغانستان نا گل زمین ئِ کاریم اٹ اتنگ ئِ۔