خلیجی کمکاری آن بیدس سوگوی مننگ کپک، ترک صدر

انقرہ۔ 16 فروری (اے پی پی) ترکی نا صدر رجب طیب اردوان ’العربیہ‘ چینل ئِ تروک آ انٹرویو ٹی پارینے کہ ڈیہہ ٹی سوگوی کن غٹ خلیجی ملک خاص کر سعودی عرب نا کمکاری نا سخت گرج ئِ۔ ترکی خلیجی ملک آتاکمکاری نا اہمیت ئِ گوجالنگ کپک۔ ترک صدر ’العربیہ‘ چینل نا فلیگ شپ پروگرام ’ترکی الدخیل تون ‘ ٹی ہیت وگپ کرسا پارے کہ او اخوان المسلمون ئِ دہشت گرد تنظیم گوندپک انتئے کہ اخوان اسہ نظریاتی ئُ جماعت اسے، ولے اگہ اخوان المسلمون سلہہ ہرفک تو اوڑتون اسہ دہشت گرد تنظیم اسے نا وڑاٹ مون تننگک۔