بنجائی وزیر سردار محمد یوسف تون فلسطینی سفیر ولید ابوعلی نا اوڑدہی

اسلام آباد۔ 17 فروری (اے پی پی) بنجائی وزیر مذہبی امور بین المذاہب ہم آہنگی سردار محمد یوسف تون پاکستان اٹی فلسطینی سفیر ولید ابوعلی اوڑدہی کرے۔ جمعہ آ داڑے وزارت مذہبی امور اٹی مروک آ اوڑدہی ٹی تین پہ تینی است خواہی نا معاملہ غاتیا خیال آتا درشانی ئِ کننگا۔ اوڑدہی ٹی بنجائی وزیر مذہبی امور بین المذاہب ہم آہنگی سردار محمد یوسف پارے کہ پاکستان و فلسطین نا نیام اٹ ایلمی آ مبنی تعلقداریک ئُ ہراکہ اسیجائی دودوربیدہ ہی و مذہبی اقدار نا سوب ئُ و ننے دا تعلقداری تیٹی پین ودکی کننگ نا گرج ئِ۔ فلسطینی سفیر ولید ابوعلی بنجائی وزیر سردار محمد یوسف ئِ قبلہ اول بیت المقدس نا دورہ کننگ نا سلہ خلک۔ سردار محمد یوسف پارے کہ پاکستان فلسطینی تحریک نا غٹ آن مست مخ تفی کروک آ ملک ئِ۔ بنجائی وزیر اسلام آباد اٹی سفارت خانہ ملنگ آ فلسطینی سفیر ولید ابوعلی ئِ مبارکبادی تس و داگمانی نا درشانی ئِ کرے کہ پاکستان و فلسطین نا نیام اٹ تعلقداری تیٹی ترندی اٹ ودکی مریک۔