اوغان ڈپٹی ہیڈ آف مشن نا دفترخارجہ طلبی، اوغانستان اٹی جماعت الاحرارنا رکھوک پناہ گاہ تیان پاکستان اٹی پدریسہ دہشت گرد جلہو آتیا گڑتی نا درشانی ئِ کننگا، ترجمان دفتر خارجہ

اسلام آباد۔ 15 فروری (اے پی پی) اوغان ڈپٹی ہیڈ آف مشن ئِ دفترخارجہ بٹنگسا اوغانستان اٹی جماعت الاحرارنا رکھوک پناہ گاہ تیان پاکستان اٹی پدریسہ دہشت گرد جلہو آتیا گڑتی نا درشانی ئِ کننگا۔ دفترخارجہ ناترجمان نا رداٹ ایڈیشنل سیکرٹری (یواین ویور پین کمیشن ) چارشنبے آ اوغانستان نا مشن نا نائب سروک سید عبدالناصر ئِ دفترخارجہ غا بٹنگا و اوغانستان نا تہٹی دہشت گرد تنظیم جماعت الاحرار نا رکھوک پناہ گاہ تیان پاکستان نا گل زمین آ پدریسہ دہشت گرد جلہو آتیا پاکستان نا گڑتی آن معلومدار کننگا۔ داوخت آ اوغان مشن نا نائب سروک نا چکار پاکستان نا کنڈآن اوغانستان ئِ تروک آ انٹیلی جنس معلومداری تا کنڈاہم ترفنگا ہراڑآ ہچ ئُ کارروائی اس کننگ تنے۔ اوغان حکومت آ زور شاغنگاکہ او تینا علاقہ آن آپریٹ کروک آ دہشت گرد، اوفتا رکھوک پناہ گاہ و اوفتے مالی امداد تروک آتا چٹفنگ کن گام گیج کے۔ اوغان مشن نا نائب سروک ئِ دہشت گرد جلہو و ایلو تعلقدار سرجم احوال ہم تننگا۔