جاسٹا آن امریکہ نا فائدہ غاتے زیات نسخان رسینگک، سعودی وزیر خارجہ

ڈیووس۔ 19جنوری (اے پی پی) سعودی عرب نا وزیر خارجہ عادل الجبیر پارینے کہ اگہ امریکہ انصاف نا برخلاف اسپانسر دہشت گردی ایکٹ”(جاسٹا) غا عملدرآمد کرے تو او تینٹ نسخان اٹ تمک و دنیا ٹی اونا فائدہ غاتے نسخان رسینگک۔ او سوئٹزر لینڈ نا شار ڈیووس اٹی اڈ ہلوک سالانہ جہانی اقتصادی فورم اٹی ہیت وگپ کریکہ۔ او خبردار کرے کہ اگہ جاسٹا کانود نا رداٹ (ملک آتا) وت واجہ استثنیٰ ئِ نظرانداز کننگا تو داڑآن کم و ود ہر ملک اٹی امریکہ نا برخلاف کانودی چارہ جوئی نا درگہ ملنگک۔ ولے او اومیت ظاہر کرے کہ امریکی کانگریس جاسٹا آ نظرثانی کیک و اونا تصریح تیا ساڑی آ دروشم اٹی عملدرآمد نا موکل تفک۔