وزارت ڈٹ بندی و شونتری پی ایس ڈی پی نا رداٹ کابینہ ڈویژن نا شونداری ڈٹ آتے کن 8کروڑ 60لکھ روپئی جاری کرے

اسلام آباد۔ 18اکتوبر (اے پی پی) وزارت ڈٹ بندی و شونتری اینخو مالی سال 2016-17ءٹی سرکاری بشخ انا شونداری پروگرام آتیٹی کابینہ ڈویژن نا شونداری ڈٹ آتے کن جمی وڑاٹ 8کروڑ 60 لکھ روپئی آن زیات نا فنڈز جاری کرینے۔ حکومت اینخو مالی سال کابینہ ڈویژن نا شونداری کاریم تے کن 36کروڑ 93لکھ روپئی نا فنڈز جتا کرینے۔ پلاننگ کمیشن نا برجا کروک حساب و کتاب نا رداٹ حکومت 6ایوی ایشن سکوارڈن اسلام آباد کن 5کروڑ61لکھ، آرکا ئیوز مینجمنٹ کن 69لکھ، 6ایوی ایشن سکوارڈن نا سیکورٹی کن 90لکھ و قومی گوازی تا اڈتننگ کن 68لکھ روپئی نا فنڈز جاری کرینے۔