پاک چین اقتصادی راہداری منصوبگ ئَ چہ بلوچستان ئَ را کُلاں چہ باز پائدگ رسیت, مزن وزیر محمد نواز شریف ئِ سر وزیر بلوچستان سردار ثناءاﷲ خان زہری ئَ گوں گند ئُُ نند ئَ تران

اسلام آباد ۔ 22 اپریل (اے پی پی) مزن وزیر محمد نواز شریف ئَ گوشت کہ بلوچستان ئَ را پاک چین اقتصادی راہداری منصوبگ ئَ چہ باز گیش پائدگ رسیت، صوبہئِ اُلس ئِ چاگردی ئُُ اقتصادی گہتری اولی دلگوشی انت۔آہاں اے ھال سر وزیر بلوچستان سردار ثناءاللہ خان زہری ئَ گوں گپ ئُُ تران کنان ئَ گوشتگ۔آہاں ادا جمعہ ئَ مزن وزیر گِس ئَ آہاں گوں گند ئُُ نند کرتگ۔مزن وزیرئَ گوشت کہ بلوچستان آئی ئِ دل ئِ نزیک انت ئُُ آں جندی وڑ ئَ برجاہ منسوبگ آنی سرا پیشرفت ئِ نگرانی کنگ انت۔آہاں گوشت کہ ھستیں حکومت دراھیں ملک ئَ دیمروئی ایجنڈہ ئِ کارانی چارگ انت۔آہاں گوشت کہ گوادر زوت یک جدید صنعتی پورٹ سٹی جوڈ بیت ئُُ ایشی ئَ چہ بلوچستان ئُُ دمگے مردمانی زند بدلی کئیت۔ سر وزیر ئَ کوئٹہ شہر ئِ ھاترا دیمروئی ئُُ گہتری ئِ پیکج ئِ جار ئِ ہوار دراھیں صوبہ ئَ انفراسٹرکچر ڈویلپمنٹ منصوبہ جات یئِ بنگیجی ئَ مزن وزیر ئِ منت واری ادا کتگ۔ سردار ثناءاﷲ خان زہری ئَ بلوچستانئَ دیمروئی اسکیمانی سرا دلگوشی ئَ مزن وزیر ئِ راھدربری ئَ را ساڑاھنتگ۔آہاں گوشتگ کہ صوبہ ئَ امن ئُُ ایمنی ئِ سرجمیں جاور باز گہتر بوتگ انت ئُُ بلوچستان ئِ اُلس بنجاہی حکومت ئِ باز مشکور انت۔