فرنٹیئر کور بلوچستان نا گلستان اٹی کارروائی، 20ایکڑ آ تالان دسوک آ ہفیم نا فصل آتے تلف کننگا، ایف سی گلستان ونگ انا کمانڈر لیفٹیننٹ کرنل حلیم

چمن۔ 26اپریل (اے پی پی) فرنٹیئر کور بلوچستان نا گلستان نا علاقہ ٹی کارروائی، 20ایکڑ آ تالان دسوک آ ہفیم نا فصل آتے تلف کننگا۔ ایف سی گلستان ونگ نا کمانڈر لیفٹیننٹ کرنل حلیم ”اے پی پی“ ئِ پارے کہ فرنٹیئر کور بلوچستان نا گلستان اٹی ارٹ میکو دے ہفیم نا فصل آتے تلف کننگ نا آپریشن سرسہبی اٹ جاری ئِ ہراٹی داوخت اسکان ٹیکٹر آتا کمک آن 20ایکڑ اسکان ڈغار آ دسوک آ ہفیم نا فصل ئِ تلف کننگانے، ہفیم نا فصل ئِ تلف کننگ اٹی ایف سی ، اے این ایف ولیویز کارندہ غاک بشخ ہلکر تانکہ ناخوشگوار واقعہ غاتون مون تننگ کن سیکورٹی نا سخت بست وبند کننگانے۔ دا کارروائی ئِ فرنٹیئر کور بلوچستان ئِ اودیم حوال ملنگ آ کننگا۔