صوبائی حکومت بلوچستان اٹی امن نا اڈتننگ شون و شونہالی و الس نا زند انا آب ئِ گچین جوڑ کننگ کن گام گیج کننگ ئِ ، وزیراعلیٰ بلوچستان نا سلاہکار محمد خان لہڑی

کوئٹہ۔ 22اپریل (اے پی پی) پاکستان مسلم لیگ نا راہشون و وزیراعلیٰ بلوچستان نا سلاہکار معدنیات و قدرتی وسیلہ حاجی محمد خان لہڑی پارینے کہ صوبائی حکومت بلوچستان اٹی امن نا اڈتننگ شون و شونہالی و الس نا زند انا آب ئِ گچین جوڑ کننگ کن گام گیج کننگ ئِ۔ گوادر پورٹ نا جوڑجاڑتون پاکستان نا آخبت وابستہ ئِ گوادر سی پیک آن بلوچستان تون اوار مچ آ ملک اٹی دورس نتیجہ دوئی مریک۔ وزیراعظم پاکستان محمد نواز شریف بلوچستان اٹی شونداری کاریم تا خواہندارئِ۔ نواب ثناءاللہ خان زہری نا سروکی ٹی بلوچستان شون نا کسر آ روان ئِ۔ داخیال آتا درشانی ئِ او ”اے پی پی“ تون ہیت و گپ کرسا کرے ۔ محمد خان لہڑی پارے کہ گوادر میگاپروجیکٹ ڈٹ انا پوروی آن نہ صرف بلوچستان شون نا کسر آ روان مریک بلکن پاکستان معاشی وڑاٹ شون ہلیک۔ اوپارے کہ ہراوخت آن نواب ثناءاللہ خان زہری وزارت اعلیٰ نا منصب ئِ سنبھالا نے دے و نن ئِ اسٹ کرسا صوبہ ٹی شونداری کاریم تا چاروکی ئِ کننگ ئِ زوت صوبہ نا الس برجا شونداری ڈٹ آتیان مستفید مریک۔ سلاہکار وزیراعلیٰ بلوچستان محمد خان لہڑی وزیراعلیٰ بلوچستان گوادر سی پورٹ نا پوروی ئِ خواہک ہراڑآن نہ صرف بلوچستا ن نا الس ئِ روزگار نا موقع ملک بلکن صوبہ شون نا کسر آ روان مریک۔ اوپارے کہ داسا ہم وخت ارے کہ منفی پروپیگنڈہ غاتیان بیدس بلوچستان نا شون آ توجوہ ایتر ہرا مسکوہی ٹی ہر بابت آن نظر انداز مرساکرینے۔